عه‌لی سووره‌چۆمی‌
گه‌رانه‌وه‌ ڵاپه‌ره‌ی تایبه‌ت بۆ بابه‌ته‌کانی عه‌لی سووره‌چۆمی
درێژه‌
>>>>
خدربه‌گ
ئەو ڕۆژانەی قەت لەبیر ناچنەوە

بۆ خوێندنه‌وه‌یی بابه‌ته‌کان >>>
محه‌ممه‌د بایزیدی

محه‌ممه‌د بایزیدی>>>

عومه‌ر فه‌رخه‌پوور
بۆ چه‌ند شارێک

مه‌ودای نێوان چه‌ن

 شارێکی ئێران

 بۆ سه‌رده‌شت به‌ ماشێن

سه‌رده‌شت

مه‌هاباد

١٢٢ کیلۆمێتر

سه‌رده‌شت

بۆکان

١٤٤ کیلپۆمێت

سه‌رده‌شت

سنه‌

٣١٧ کیلۆمێتر

سه‌رده‌شت

شنۆ

١٤٠ کیلۆمێتر

سه‌رده‌شت

ورمێ

٢٤١ کیلۆمێتر

سه‌رده‌شت

ئیلام

٦٠٨ کیلۆمێتر

سه‌رده‌شت

پیرانشار

٩٢ کیلۆمێتر

سه‌رده‌شت

بانه‌

٦٨ کیلۆمێتر

سه‌رده‌شت

ته‌ورێز

٣٤١ کیلۆمێتر

سه‌رده‌شت

ئیسفهان

٩٣٧ کیلۆمێتر

سه‌رده‌شت

تاران

٧٢٧ کیلۆمێتر

په‌خشی راسته‌وخۆ
له‌سه‌ر هێڵ
گەردەلوولی بەیانییەک.
لە یادی شەڕە قوورسەکەی(گوردان)ی بێژوێ دا.
١٢/١١/١٣٧١
لە گەڵ سیوادی بەیانی سەعاتی(سفر)نزیک دەبۆوە ،چاوی سێرە“بەس بوو بۆوەی بەفر“گڕ بگرێ.
………………………………………………..
سمائیل“گووتی: سەر نەوی بکەن!
کەچی:چاوە گەشەکانی نووقمی خوێن بوون.
……………………………………………….
خدر“لە جادەکە دا کەوتبوو خوێنی لەبەر دەڕۆیشت کەس نەیدەتوانی لێی نزیک بێتەوە.
………………………………………………..
تووشی شکست ھاتین ،شەڕ
دریژ و درێژتر دەبۆوە.
………………………………………………..
لەو ئاوڕدانەوەدا ،ھەموو رووداوەکان بخوێنەوە.

سەرەتا ،گوندی مەزناوە…..
١-ھەورێکی تووڕە ئاسمانی داپۆشیبوو ،کوێستان بە بەفر سواوە تەزووی بایەکی سارد لە سوێبانی ماڵەکانی گوندەوە بە گڤەگڤ“ بە سووچی پەنجەرەکان و لێواری دەرگاکان دا دێتە ژوورەوە.
ھەورەکان بە جۆرێک دایان ھێنابوو کە ئەو ئێوارە تاریکی زوو باڵی کێشا. چرا“کزەکانی گوند یەک یەک داگیرسان. خەیاڵی ھیچ ڕێبوارێک بە مێشکی کەس دانایە! زۆر نابات نزیکەی ۱۰۰-سەد“پێشمەرگە لە ئێوارە دەرنگانێکی مەیلەو تاریکی دا دەگەنە نێو گوند.
خەڵکی گوند بە سەر سووڕمانەوە پێشوازیان لێ دەکەن. بەرپرسەکانیان داوا لە تیم“ەکان دەکەن کە زۆر بە پەلە نانێک“بخۆن و لە کاتی دیاری کراو دا ئامادە بن. زۆربەی ماڵەکانی گوند لە بیری خواردنی شیاو دان بۆ پێشمەرگەکان ئەوان ھەرگیز بیر لەوە ناکەنەوە ئەو پێشمەرگانە رێگایان لە بەر بێت ،ئاخر بە باوەڕی ئەوان شەوی ئاوا ئەنگووستە چاو ھەموو رێبوارێک لە سەفەر پاشگەز دەکاتەوە. خەڵکەکە ،کە شارەزای ناوچەکەی خۆیانن لە رووی ئەزموونی خۆیان دەزانن کاتی ئاوا بڕیاری سەفەر ھەڵەیەکی گەورەیە!
بە پێچەوانەی مەزەندەکان ،بەشێک لە تیم“کان ئەوەندە بە پەلە دەبن کە داوا لە خاوەن ماڵەکان دەکەن ئەوان کاتیان بە دەستەوە نییە. زۆر نابات نم نم باران دایدەدات ھەوا زیاتر سارد دەبێت.
پێشمەرگەکان بە پەلە لە گوند دێنەدەر.
کەسە شارەزاکانی ناوچەکە ئەرکی پێشەنگایەتی دەگرنە ئەستۆ. بە مەودایەکی زۆر کەم رێگای تاریکی شەوێکی بێ ئەمان دەگرن ،چیرۆکی شەوێکی تاریک و رووداوە پڕ لە ئازارەکانی دەستی پێ کردوە ،زۆری ھێزی جووڵە پێکراو لە تاریکی شەو دا بۆتە ناخۆشترین چرکە ساتی کاتژمێرەکانی بێدەنگی. مەوداکانی بینین بە پەردەیەکی رەش داپۆشراون سەختی رێگا دەبێتە ھۆی بەربوونەوەی بەردەوام ،کەمتر پێشمەرگەیەک ھەیە لە نێویان دا ئەو شەوە چەند جارێک نەخلیسکابێ چەند جارێک بەرنەبووبێتەوە ،نێوە نێوە بەربوونەوە ،دەنگی ھاوارێک ،بێزاری لە دەست تاریکی و جار جار مینگەی“چەند رەفیقێک لە پێش خۆت یا پشت سەرتەوە نەبیسی!
وەستان نییە رێگا درێژ بۆتەوە ترسی ئەوەی نەکا ئەو بەربەستانە ببن بە ھۆی نەگەیشتن بە شوێنی دیاری کراو درووست بووە.
شەوێکی سارد و تووش ،پرووشەی بەفر دەستی پێ کردوە بە جۆرێک شەوە زەنگە کەس نازانێ لە کوێی مەسیر“ە ،کەسە زۆر شارەزاکان نەبێ.
ھەموو ئەو کوێرەوەرییانە نابن بە ھۆی ھیچ دوودڵ“یەک ،بە ھەموو ئەو رووداوانەی رێگاوە دەگەنە شوێنی دیاری کراو.
کات بەرەو کۆتاییە ،شەو زرینگاوەتەوە لە نزیک گوندێکی گەورەی ناوچە کە مەبەستی سەرەکی ئەو ھێزە“زۆرەی پێشمەرگەیە بە پەلە تیمەکان“دیاری دەکرێن بە جۆرێک کەس فریای ماڵ ئاوایی لە ھاورێکەی پەنا خۆی ناکەوێت. ئێستا بەشێک لە دەستەکان“مەودای زۆریان ماوە بۆ گەیشتن بە شوێنەکانی خۆیان.
بە پەلە کارەکان دابەش دەکرێن ھەر تیم(ە)و بەرەو ئەرکی خۆی دەکەوێتە رێگا.
……………………
٢- چ رۆژێکە…
١٢ی ریبەندانی ساڵی ١٣٧١(ە) رۆژی گەڕانەوەی خوومەینی“بەرامبەر بە یادەکانی دەھەی فجر“و سەرکەوتنی شۆرشی گەلانی ئێران کە دەستەیەک ئاخووند بە لارێیان دا بردو گەورەترین دیکتاتۆری مێژووی ناوچەکەیان بە سەر ویستی رەواو خۆزگەکانی ئازادی خەڵک دا سەپاند.
ئەوان سەرتاسەری ئێران و کوردستان بە ھێزی سەرکووتکەر دەپارێزن ،ھەموو تەپۆلکە ،ھەموو شاخ و کێوێک ،ھەموو گوندێک بە دانانی مۆڵگە و چەکداری بێ شوومار کراوەتە گەورەترین سەرباز“گە.
……………………
٣- حیزبی دێموکرات و ھێزە دوژمن بەزێنەکەی ھێزی گیارەنگ“و کومیتەی شارستانی سەردەشت“لەو کاتە ئەستەم و دشوارە دا دەیەوێ بە دوژمن بڵێت: خەڵکی کوردستان ئێوەی ناوێ و لە ھەر کاتێک دا ئیرادە بکات شکۆی پیسی نیزامە دیکتاتۆرەکەتان دەشکێنێ و شەرمەزاری دەکات.
بۆ ئەو بڕیارە گەورە ،ئیرادەی رۆڵەکانی خۆی لە ھێزی پێشمەرگەو خەڵکی ناوچەکە لە پشتە.
…………………….
ئێرە: ناوچەی ئالان(ە) بە کاتی شۆرش ،ئێرە مەکۆی ئەوین و ھەورە تریشقەی لەرزاندنی خەونی نەزۆکی داگیرکاریە ،ھەموو کەلووە بەفرە-کانی ئێرە و باکووتەی بەیانیەکەی تێکەڵاوی نرکەو ھەڵمەت و سەنگەر دەبن.
بەڵێ: سیوادی بەیانی ھاتووە ،بەفر ناوچەکەی سپی ھەڵگێڕاوە لە بەرابەر سەرمایەکی بێ ئەمان و لە نێو تەزووە ساردەکانی بەفر دا ،لە کاتێک دا دەست و پێ“یەکانن تەزیون ئا لەوکاتەدا ،دەیان پێشمەرگە دەست لە سەر ماشەی چەکەکانیان چاوەروانن. کێ دەتوانێ بەرگەی ئەو سەرما تووندە بگرێ پێشمەرگە نەبێ.
بەڵێ: ئەوان نەوەکانی کۆمار ،درێژەدەری رێگای مەلا ئاوارە“و شەریف زادەکان(ن) مێژوو خووڵقێنانی شەری سێ“مانگە و دارساوێنن“ئەوان(فاسوولیا)خۆرەکانی دەشتی کۆیە(ن). تا ئەوان وەک ھەڵۆ لە سەر لووتکەی شاخەکان بوون فەرھادەکانی نییەر“و کوردستان لە بەفردا ،ڕەق“ نەدەبوون……
…………..
(گوردان)
ھێزە سەرکووتگەرەکانی ناو(گوردان)لە خەوێکی قووڵ دان ئەوان بیر لە ھیچ رووداوێکی چاوەروان نەکراو ناکەنەوە ،ئاخر وەرزی زستان بێت و سەرەتای بەیانییەکی زوو.
ھێزەکانی ناو گوردان“خۆیان بۆ ئاھەنگی دەھەی فەجر“ئامادە کردوە. بێ خەبەر لەوەی کە پێشمەرگە شوێنە ئەستەم و زاڵەکانی بە سەر گوردان“بە تەواوی گرتوون ،دەرگای فریاکەوتن بە سەر ھێزەکانی دوژمن لە ناو گوردان“دا داخراوە.دایرەیەک درووست کراوە لە ئاگر.
چەندین ئاربی چی“و بی کەی سی“لە شوێنە زاڵەکان ئامادەن تا یەکەم دەسپێکی شەڕ“بکەن بە دۆزەخ بە سەر گوردان“و ھێزەکانی ناوی دا.
……………..
۴- کێن ئەوانەی لێرە ،مۆڵ-دراون …..
ئەو ھێزە دژی گەلیانەی لێرە مۆڵ-دراون نوێنگەی ستەم و ئازار بوون بە سەر خەڵکی ناوچە و کارو کەسابەتی خەڵکەوە ،ئەوان گەورەترین مەرکەزی کۆکردنەوەی زانیاریان دامەزراندووە شەوانە لە سەر رێگاکان پێش بە کارونچی“یەکان دەگرن ماڵ و سەروەتیان راپێچ دەکەن بۆ نێو گوردان“.لە ناو گوند“لانەی جاسووسی و مۆڵگەیەک ھەیە کە بەردەوام لە گەڵ گوردان“لە پێوەندی دایە ،یەکێک لە فەرماندەکانیان بە ناوی باقری“چەند جارێک لە دەست ھێزی پێشمەرگە رزگاری بووە ،ئیبراھیمی“فەرماندەی گوردان“ناوبانگی دڵ رەقی“گەیشتۆتە ھێزی پێشمەرگە.
…………………
کەواتە: چاوەروان بن!!!!!!
…………………
۵- دوا چرکەکانی دەسپێکی شەڕ“نزیک دەبێتەوە.

لە گەڵ ھەوا رووناک بوون سەعاتی سفر“نزیک دەبۆوە رووناکییەکی کەم بۆ بینینی ھەدەف بەس بوو بۆوەی بەفرگڕ بگرێ و شەڕێکی بێ ئەمان بە پانتایی دەیان کیلۆمیتر دەست پێ بکات.
خەڵکی گوند لە خەوێکی قووڵ دان پێشمەرگەکان لە نێو ماڵان و کۆڵانەکانی گوند“چاوەروانن بۆوەی لە گەڵ کێشانی یەکەم ماشەکان بەرەو گوردان“بڕۆن. چاوەروانی زۆری نەخایاند دەنگی بە ھەیبەتی ئاربی چی و قرمژنی بی کەی سی“بوو بە ئاگری شڵژانی خەوی نەزۆکی داگیرکەر.
کاتێک سەرت بەرز دەکردەوە ئاور بە تۆپەڵ“لە لە شوێنە زاڵەکان بە سەر گوردان“دا دەباری. بەو چەقی زستان و کڕێوە تۆزو دووکەڵێکی بێ ئەمان لە ناوەندی گوردان“بە ئاسمان دا بەرز دەبۆوە. ھێزەکانی ناو گوردان“تا ماوەیەک پێیان وا دەبێ ئەوە ئاھەنگی یادەکانی دەھەی فەجر“ی ئەوانە و درەنگ ئاگادار کراون.
خەڵکی گوند“گەورەو بچووک لە خەو ھەستاون بەو پەڕی ناباوەڕی دەبینن ئەوە رۆڵە پێشمەرگەکانی ئەوان لە نێو سەرمای توندی ناوچەکە دا لە نێو رێبەندانی بەفر دا بە لێواری سەنگەرەکانی دوژمنەوە بە سەمای شەڕ دەگەنە سەر کاناڵ“و خاک ریزی.
ئێرە گۆڕەپانی شەڕێکی گەورەیە ،لە ھێرشی دوو ھێزی کلاسیک دەچێت لە شەڕگە گەورەکان دا.
ھەناسە تووندەکانی پێشمەرگە پارێزەرانی شکۆی خاک و گەل تێکەڵاو بە خوێنی ھاورێکانیان بووە ،شەڕی دەستەویەخە و سەنگەر بە سەنگەر لە چەندین قۆڵەوە دەستی پێ کردووە. دوژمن سەری لێشێواوە ھەر چەند ئەوان سەخت بەرگری دەکەن و لە چەندین لاوە لە کاناڵە سەخت و بە مەتەرێز“ھەڵچنراوەکانیان تەقە لە پێشمەرگە ئازاکان دەکەن ،کەچی پێشمەرگە بڕیاری خۆی داوە شەڕ بە شێوەیەک تووندە چەند جارێک دوژمن خەریک دەبێ ئیبتکار“ی مەیدانی شەڕ وەربگرێت ،پێشمەرگە نائومێد نابێ و لە نێو قووڕو لیتەی ناو گوردان“رەش ھەڵگەڕاون ،بەڵام: ئیرادە شکانی نییە ئەوان بە چاوی خۆیان پێکران و شەھید بوونی چەندین ھاوسەنگەریان دەبینن،لە نێو ئاخ و حەسرەت دا ڕقی تۆڵە زیاتر چەکەرە دەکات.
بڕیاری تۆڵە دەدرێ ،دەیانەوێ خوێنی ھاورێکانیان……
سمائیل قووڵەسوێروی“،خدر زەینی“بە فێڕۆ نەچێت. سمائیل……لە ناوەراستی گوردان“کەوتووە ،ئەو یەکەم سەنگەر بووە بە شاھیدی خاک و ئاسمانی ناوچەکە… لە حاڵێک دا لە خوێن دا سوور بووە ھێشتا چاوەکانی کراوەن پێشمەرگان لە سەر سەری ئەو سەنگەریان گرتووە.
خدر زەینی ئازاو تێکۆشەر بە بەرچاوی ئێمەوە لە جادەکە دا درێژ بووە کەس ناتوانێ فریای بکەوێ مەگەر پێشمەرگەکان لێبڕاو بن بۆ شکست پێھنانی داگیرکەران.
دیمەنەکان لە بەرچاوم ون نابن ناڵەی سمائیل“ لە کەناڵەکەدا ئازاری خستۆتە دڵی تەک تەکی پێشمەرگەکان. ھێشتا زوو بوو بۆ سمائیل“.
مامۆستاکەی قووتابخانە وانە بێژی دەم بە خەندە قژەکانی سەری ئاڵۆز بوون کەلووە بەفرەکان ئارام ئارام تێکەڵاوی خوێن دەبن. لە سەمای گەردەلوولی سپی دا کوێر بم سمائیل پێ کراوە.
……………..
۶- شەڕ“سەختتر بووە ،لە شاری سەردەشت“و چەندین شوێنی ناوچەکە ھێز“بە ھاواری گوردان“ەوە ھاتوون لە چاوەروانی گەیشتنی ھێزەکانی یارەمەتیدەر دان ،چەند ھێلیکۆپتێر“بە ئاسمان دا دەسووڕێنەوە کە ناوێرن نزیک ببنەوە.
پێشمەرگە دەرفەت نادات بڕیاری شەرەفە بە سوێندی سووری پێشمەرگە دەبێ ،ناوەندی سەرکووت بە شکستێکی گەورە بۆیان بکەن بە دیاری بۆ ئاھەنگەکانی دەھەی فەجر“
دوای چەندین سەعات شەڕی گەرم و پڕ لە فیداکاری گورھان“شکستی خوارد ،دەیان کەس کە نائومێد بوون خۆیان بەدەستەوە دا دەیان کەلاکی ھێزە داگیرکەرەکان لە گوردان“دا کەوت.
لێرەوە بە بەرچاوی خەڵکی گوندی بێژوێ“و گوندەکانی دەورووبەر سەرکەوتنێکی گەورە نووسرایەوە.
شەڕێک ،سەرکەوتنێک ،کە دوژمنی لە کوردستان تاساند ھەر ئەوە بوو چەند رۆژ دواتر فەرماندەو ژنڕاڵە پلە باڵاکانی سووپا“بە چەندین ھێلیکۆپتێر“لە مەرکەزەوە گەیشتنە ناوچەکە بۆوەی لە نزیکەوە ھۆکارەکانی پشت ئەو زەبرە بە ژانە ببینن.
شەڕێک کە بوو بە ھۆی ئاڵووگۆڕی گەورە لە ناوچەکەدا و فشارەکانی جھووری ئیسلامی بۆ سەر ھێزەکانی باشوور
لەوەش زیاتر ،ئەوان بەو باوەڕە گەیشتن کە دەبێ لە رێگای باشووری کوردسان(ە)وە ھێزەکانی حیزبی دێموکرات بەرەبەرە گەمارۆ بدرێن…
…………………….
٧-زیانەکانی دوژمن کەمەر شکێن بوون دەیان کەس لە ھێزەکانیان کووژران بە ئیبراھیمی فەرماندە گورھان“ەوە لە حاڵێک دا باقری“جارێکی دیکە بەخت یاوەری دەبێ و ئێوارەی پێشتر دەچێت بۆ مەرەخەسی.
دەیان کەس بە دیل گیران بە جۆرێک ریزی دوورو درێژی ئەوان لە کاتی گەڕانەوەدا بوو بە ھۆی خۆشحاڵی و شادی خەڵکی ناوچەو ھەروەھا شاری قەڵادزە“و چەند گوندێکی لە باشووری کوردستان.
بە دەیان چەکی جۆراوجۆر بار کراو بوو بە دەستکەوتی ھێزی پێشمەرگە.
…………………..
لە کۆتایی دا کڕنۆش بۆ ھەڵمەت و فیداکاری پێشمەرگە و فەرماندە ئازاکانی ئەو شەڕە
لە سەرەویان شەھید حەمە نارستی“فەرماندە و سەعدوون مارەغانی و مەنسوور رەحیمی“.
………………….
لە کۆتایی دا……
لەو یادە دا دوا فرمێسک و دوا ماڵ ئاوایی لە دوو شەھید ،شەھیدان سمائیل قووڵەسوێروی و خدر زەینی“رەشەرمێی.
دوو کووڕی ئازا کە بە خوێنی ئەوان ئەو داستانە گەورە تۆمار کرا…
من ئێستاش دوا نیگاکانی سمائیل“لە بەرچاوم ون نابن سمائیل“داھاتوویەکی روونی ھەبوو کەچی بەداخەوە زوو لە دەست چوو.
بەیانیەکەی لە نێو کۆڵانەکانی گوند بە بزەوە پێی دەگووتم: تۆ وریابە تاقانەی…
دوا قسەی ئەوە بوو ،گووتی: خۆتان نەوی بکەن
ئێمە سەرمان خستە سەر گڵ(ە)کە خۆمان مات کرد ،کاتێک سەرمان بەرز کردوە ئەو سەری بەرز نەکردەوە کە دەستم لێدا سەری شل“بوو دیتم گووللەیەک لە نێو چاوانی درابوو
ماوەیەک سەریم خستە سەر رانم خوێنی گەش دەھاتە خوار ،سمائیل زۆر بەربەرەکانی کرد لە گەڵ مەرگ ئەو دەیھەویست لە کاروان دانەبڕێ.
خدر“لەو بەر لە جادەکە دا درێژ ببوو ئەو بە گریمانەی زۆر بە دەستی ئیبراھیمی فەرماندە گورھان“ شەھید بوو.
خدر کووڕێکی سادە و کووڕە ھەژارێک بوو
زۆر بە بێ مرادی کەوتبوو کەس نەیدەتوانی لێی نزیک ببێتەوە
ئەوەندەمان کرد بەڵێنن نەشکاندو تۆڵەیان کرایەوە
سمائیل گیان
ھیچی دیکەم نییە بۆت چۆن قەرزدارتین… خۆزگەم بە خۆت…..!!!
رەوانتان شاد ……….😭😭😭😭😭😭
……………………………………………………..
وێنەکان:
وێنەی یەکەم ،گوردان(ە)دوای گرتنی و دوور کەوتنەوەی زۆر کە ھێشتا نووقمی چڕە دووکەڵە.
……….
وێنەکانی دیکە لە کۆمێنتی یەکەم ببینە لە ژێر پۆستەکە شوێنی کۆمێنت
دووھەم ،شەھید خدر زەینی تێدایە کە ھی کاتی شناساییە“.
سێھەم ،شەھید سمائیل کە بە تەنیایە.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *