بیست ساڵ ده‌رد و ئازار نووسینی:حه‌سه‌ن حاته‌می سه‌رده‌شتی جوان و رازاوه‌ یه‌ کێک له‌ شوێنه‌ پڕ دیمه‌ن و سروشتیه‌کانی کوردستان؛
بیست ساڵ ده‌رد و ئازار
نووسینی:حه‌سه‌ن حاته‌می
سه‌رده‌شتی جوان و رازاوه‌ یه‌ کێک له‌ شوێنه‌ پڕ دیمه‌ن و سروشتیه‌کانی کوردستان؛20 ساڵ له‌ مه‌و به‌ر له‌ پووشپه‌ڕی ساڵی 1366 ی هه‌ تاوی دا، که‌وته‌ به‌ر هێرشی فڕۆکه‌ شه‌ڕکه‌ره‌کانی رێژیمی به‌عسی دژی کورد.له‌و کاته‌وه‌، تا ئێستا به‌ داخه‌ وه‌ هه موو ساڵێ که‌ هاوین دادێ،ئه‌ و شاره به‌ سروشت جوانه‌،به‌ هه‌ یبه‌ت به‌رز،به‌ شوێن پێگه‌یه‌ کی گه‌وره‌ی جووڵانه‌وه‌کانی ئازادیخوازانی کورده‌،ده‌بێ باس له‌ ده‌رد و زامی ئه‌ و خه‌ڵکه‌ بکرێ، که‌ 20 ساڵه‌ ده‌ رد و ئازار ده‌ کێشێ.
با دیمه‌ نێک له‌ منداڵ گه‌لێک بێنییه‌ به‌ رچاو، که‌ ئه‌و کات، ساڵی یه‌که‌می قوتابخانه‌یان ته‌واو کردبوو. ئه‌وان چه‌ نده‌ یان خۆزگه‌و ئاوات هه‌ بوو.ئه‌وان زۆریان هیوا به‌ژیان بوو. دایک و باوکیان، پێیان چرای ماڵێ بوون و دڵ و گیانیان له‌ لایان بوو.
منداڵه‌کان له‌ قمارگه یه‌ کی گه‌ ڕه‌ کی خۆیان کۆ ببوونه‌ وه‌.به‌ پێی تێگه‌یشتوویی خۆیان، باس و خواسی منداڵانه‌ یان، هاوکات له‌ گه‌ ڵ کایه‌ کردن دا ده‌کرد.له‌ پڕ چه‌ ند فڕۆکه‌ی شه‌ ڕکه‌ ری بۆمب هاوێژ، به‌ گرمه‌ وهاڕه‌ وده‌نگ و بۆمباران، دنیای جوان و ئاسمانی ساماڵ و ژیانی ئاسایی لێ تێکدان.چه‌ ند که‌س له‌ منداڵه‌کان، به‌داخه‌وه‌، له‌شیان له‌ت و په‌ ت بوو.چه‌ ند که‌ سیان بلۆقیان ده‌رکرد و سووتان. یه‌ کێک چاوی له‌ ده‌ست دا.ئه‌وی دیکه‌ لاقی په‌ ڕی.
دوای چه ند ساڵ تێپه‌ ڕین به‌ سه‌ ر ئه‌ و کاره‌ ساته‌ دڵته‌ زێنه‌ دا،ژماره‌یه‌ ک له‌ منداڵه‌کان، که‌ به‌ سه‌ قه‌ تی، ژیانیان تێپه‌ ڕ ده‌ کرد؛ یا دایکیان نه‌ مابوو، یا باوک. یان هه‌ ردووکیان.هه‌ روه‌ ها چه ند که‌س له‌ هاوپۆله‌کانی ساڵی یه‌ که‌می خوێندیان له‌ ده‌ ست دابوو.ئای گه‌لوو! رووداوێکی زۆر تاڵ بوو. ئه‌ وه‌ چاره‌ نووسی زۆر که‌س له‌ مناڵانی شاره‌ خنجیلانه‌ که‌ ی سه‌رده‌شت بوو.
بازاری شار قه‌ ره‌ باڵغ بوو.خه‌ڵک به‌ هه‌ موو ناره‌ حه‌ تییه‌ کی که‌ هه‌ یانبوو، ژیانیان پێخۆش بوو.پۆله‌ ژنێک له‌ دووکانێکی کووتاڵ فرۆشێک، خه‌ ریکی هه‌ ڵگرتنی جل و به‌رگی بووکێ بوون. فرۆشیار چه‌ند تۆپ، پارچه‌ ی رنگاورنگی جوانی نه‌رم و ناسکی؛ مۆدی رۆژی، له‌ پێش ژنه‌کان دانا.هه‌ ر که‌س رنگێکی پێ جوان بوو. کیژێکی باڵا به‌ رزی چاو ئه‌ستێره‌ ی کوڵمه‌ سووری رووگه‌شی خوێن شیرین، هێندێک دوورتر له‌ ئاپۆڕه‌ی ژن و کچه‌ کان راوه‌ ستابوو. پوور قڵه‌ وه‌ چالاک و جوانه‌ که‌ ی، سێ تۆپی سوور و سپی و سه‌وزی،تاو دایه‌ و بۆ لا ی کچه‌ جوانی برد هه‌ تا یه‌ کیان په‌سند کا.کچه‌ که‌ هه‌ رسێکیانی پێ جوان بوو،به‌ڵام بۆ بووکیه‌ نیێه‌ ده‌ستی له‌ سه‌ر سپیه‌که‌ دانا. هه‌ر ده‌ستی له‌ سه‌ر قوماشه‌ که‌ بوو،ده‌ نگ و زرمه‌ و دووکه‌ڵێکی نه‌ناسراو دووکانه‌که‌ و بازاری داگرت.هه‌ر گریان و هه‌را و دایه‌ ڕۆ و بابه‌ ڕۆ، پوورێ ڕۆ و خوشکێ ڕۆ ده‌بستران.
دوای چه‌ند کاتژمێر ، کچکه‌ که‌ له‌ نه‌ خۆشخانه‌ یه‌ ک که‌ ده‌ست و باسکی له‌ تخته‌ که‌ به‌سترابوو، وه هۆش هاته‌وه‌.هاواری دایک و باب و پوور و خۆشه‌ویسته‌که‌ی ده‌کرد. نه‌ی زانییبوو دایک و پوور و خۆشه‌ ویسته‌که‌ی، وایان له‌هاتبوو هه‌ر بۆ که‌س نه‌ ناسرابوونه‌وه‌. هۆشی ده‌ستپه‌ڕینی خۆشی هه‌ر نه‌بوو و...
ئه‌ و دوو تابڵۆیه‌، خه‌یاڵی من له‌ رۆژی 7ی پووشپه‌ری ساڵی 1366 ی هه‌ تاوی بوو. به‌ ڵام به‌ داخه‌وه‌ ده‌یان رووداوی له‌ وانه‌ دڵته‌زێنتر، له‌ هێرشی جینایه‌تکارانی، هێرش که‌ رانی بۆمبارابی شیمیایی سه‌رده‌شت، شاری تێکۆشه‌ر په‌روره‌ و په ‌ناگای له‌ شکان ناهاتووی ئازادیخوازانی کورد روویان دا.
ئه‌م ساڵ ئازار چێشتوانی 20 ساڵ شیمایی بارانی سه‌رده‌شت و ناوچه‌کانی، که‌ برینی زۆر قووڵی له‌شی و ده‌روونیان هه‌ یه‌_ که‌ به‌ قه‌ ولێک قت سارێژ نابن._، ده‌بینن، ئه‌و ریژیمه‌ ئازادی کوژه‌ی، ئه‌و ده‌رد و مه‌ینه‌تیانه‌ی به‌ سه‌ر خه‌ڵکی سێڤیل( مه‌ده‌نی) هێناوه‌ و تووشی ئه‌و کاره‌ساته‌ دڵته‌زێنه‌ی کردوون؛رووخاوه‌ و به‌ مێژوو سپێردراوه‌. سه‌رکۆماره‌ مرۆڤ کوژه که‌یان له‌ دار درا و له‌ نێو تاقمه‌ جینایه‌ت کاره‌که‌ی دا؛ عه‌ لی حه‌ سه‌ ن مه‌جید( عه‌ لی شیمیایی)_ یه کێک له‌ کورد کوژان به‌ چه‌کی شیمیایی، چاوه‌روانی تاوانی سزا ئینسان کوژانه‌ که‌ یه‌ تی.
حه‌سه‌ن حاته‌می 28 ی جوونی 2007 ، کانادا.