به‌ ناوی کوردستانی گه‌وره‌ .

 ح. س. سۆران

soransa@hotmail.com

تاران –2/10/2707

گوریلی ده‌شته‌کی  و گێریلا‌ی سه‌رچیا !!!    

‌

    یاشاربۆیکانت فه‌رمانده‌ی گشتی گۆریل                                         گوریلی ده‌شته‌کی                                       گێریلای سه‌رچیا

گۆریل چه‌شنه‌ عه‌نته‌رێکی که لله‌ بۆشی ،  زه‌لامی ، گمته‌ی ، مرۆڤ خۆری  ، ناحه‌ز ‌ و به‌دفه‌ڕه‌  ،که‌  زۆرمان له‌ قه‌فه‌سی ئاسنینی  باغی ‌ دڕنده‌  ( باغی وه‌حش )  دا  دیومانه‌  و له‌  به‌ر  دڕه‌نده‌یی  و  پیاوکوژی ،  له‌ جه‌نگه‌ڵ و مه‌نگه‌ڵ،  به‌  زنجیر گرتویانه‌  و بۆ  سه‌یر و دیتنی خه‌ڵک ،    خستویانه‌ته‌   نێو  قه‌فه‌سه‌وه‌ . به‌ڵام ،  کاتێک به‌ وردی له‌ پشت میله‌کانه‌وه‌ ، له‌ گۆریل ورد ده‌بینه‌وه‌ ، زه‌عیم روکن  (ئه‌ل)   سه‌ددام حوسه‌ین مان ، وه‌ بیر ده‌که‌وێته‌وه‌ ، که‌ له‌گه‌ڵ هاواڵه‌ کێویه‌کانی ،  به‌ تاوانی کورد کوژی و زۆر شتی دیکه‌  ، له به‌ند خرابوون  . به‌ سه‌ری چه‌نگیز خان ، جیهان ده‌ککه‌ن  دککا !!!

گێریلاش ، ئێستا زۆرتر به‌و کیژ و کوڕه‌ کورده‌ ئاشتی خوازاه‌ پێشمه‌رگه‌ و پارتیزانانه‌  ده‌ڵێن ، که‌ له‌ ده‌ست سته‌م و کوردخۆری  هێندێک گۆریلی  ده‌شته‌کی تورکیا ، که‌ هێشتا  وه‌ک  سه‌ددام  نه‌خراونه‌ته‌  نێو قه‌فه‌س ، له‌ ماڵ و زێد و  وڵاتی  خۆیان  ده‌رباز بوون  و بۆ  پاراستنی ژیان  و خه‌بات له‌ دژی  گۆریله‌  پیاوخۆره‌  به‌ره‌ڵڵا کان ، په‌نایان به‌ شاخ و داخ و ره‌وه‌ز و به‌ردی وڵاته‌که‌ی خۆیان ،  بردوه‌ و له‌ ماڵی خۆیاندا غه‌واره‌ و په‌ناهێنه‌رن !!!،  هه‌ره‌ له‌به‌ر ئه‌مه‌ ،  زۆرتر پێیان ده‌ڵین گێریلای ‌سه‌ر چیا .  

به‌ڵام گۆریل‌ ناوی خۆی به‌خۆیه‌وه‌یه‌ ، چ ناسناوی) یاشاربۆیکانت )ی هه‌بێ و کۆڵێک ده‌سکه‌وسار و قوڵف و قه‌ڕازه‌  له‌ سه‌ر شانی بێ   ، چ  ( رێبه‌ری تاقمی  عه‌داڵه‌ت  ) بێ  ، چ ( گویل!)  و چ ( بابا سندان ) ، چ هه‌ر ژاری مارێک بن .   کیژ و لاو و پیر و ئافره‌تی کورد ، له‌ تاو دڕنده‌یی  گۆریل ، بۆ پاراستنی نامووس ، گیان و سامانی خۆیان رێگه‌یه‌کی دیکه‌یان بۆ نه‌مه‌ماوه‌ ،  بۆیه‌ به‌ فه‌رمایشی  ماموه‌ستا هێمن، که‌  نزیکه‌ی په‌نجا ساڵ پێش فه‌رمویه‌ته‌ی : " گه‌لی کورد ده‌ستی دا چه‌ک هاته‌ مه‌یدان ، به‌ جارێ شۆڕه ‌لاو  و شه‌نگه‌ بیری ... " .

قسه‌ هه‌زاره‌ و دوانی به‌کاره‌ : سته‌می گۆریلی ده‌شته‌کی  به‌دفه‌ڕ  ، بوه‌ته‌  هۆی پێکهینانی گێریلای  سه‌ر             چیا  ،که‌ ته‌نانه‌ت له‌ ئه‌شکه‌وت و ره‌وه‌زه‌کانی کوردستانیش  ، له‌ ژێر چنگی ‌ گولله‌ی  فڕۆکه‌ کانی گۆریل دا ، له‌ گه‌ڵ خه‌ڵکی ئاسایی بڕستیان  لێ بڕاوه‌ و  قه‌لاچو  ده‌کرێن   . جا هه‌ر بڵێن ، به‌فه‌وتانی  سه‌ددام ، ئه‌نفال ته‌واو   بو ؟؟؟  .   کوردۆ ! رۆژهه‌ڵاتی  نێوه‌ڕاست پڕیه‌ له‌ سه‌د+دام  و  هه‌زار +دام .

تێبینی : دیسان پیویسته‌  له‌ کانی دڵه‌وه‌ دووپا‌ته‌ی که‌مه‌وه‌ ، ئه‌م نووسراوه‌یه‌ ته‌نیا سێره‌ی له‌ رێبه‌رانی پۆست فاشیستی تورکه‌ ، ده‌نا ته‌واوی گه‌لی ئاسایی  تورک  به‌ دۆست  و هاوسێی زۆر  خۆشه‌ویستی کورد ده‌زانم  و خۆپیشاندانه‌کانی خه‌ڵکی ئاپۆره‌ی تورک ،   له‌ شاره‌کانی تورکیا ، ئه‌وه‌ ده‌سه‌لمێنێ ، که‌ جگه‌ له‌ کورده‌کان ، زۆربه‌ی تورکه‌کانیش،  له‌ ده‌ستی گۆریل ، له‌وانه‌یه‌ ببنه‌ گێریلا ؟؟؟ . ته‌واوی خه‌ڵکی جینهانیش ، ده‌یا‌نه‌وێ  بیلامانێ ، یه‌‌کیه‌‌تی ئوڕووپا ، نه‌بێته‌ ته‌ویله‌ و  قه‌فه‌سی گۆریل و جڕ و جانه‌وه‌ری دیکه‌ ‌  .