Ny sida 1

به‌ ناوی کوردستانی گه‌وره‌ .

ح. س. سۆران

تاران –26/9/2707

په‌یامی ح . س. سۆران به‌ بۆنه‌ی هێرشی تورکیاوه‌ بۆ هه‌رێمی کوردستان .

ده‌سته‌ڵات دارانی "پۆست فاشیستی" تورکیا ، ‌سه‌ر له‌ نوێ ده‌ست یان کردوه‌ته‌وه‌ به‌ هێرش کردنه‌ سه‌ر و بۆمبارانی ده‌ڤه‌ری قه‌ندیل و ناوچه‌کانی هه‌رێمی کوردستان و به‌ داخه‌وه‌ ، زۆر که‌س له‌و‌ رووداوه‌ تاڵه‌ دا کوژراو، بریندار، ئاواره‌ ‌ و ماڵ وێران بوه‌ . ره‌نگه‌ بیستبێتتان ، هه‌ر‌ ئه‌م جیرانه‌ شه‌ڕفرۆشانه‌ ، له‌ ساڵی 1930 دا ، نێوه‌ندی کۆماری ئاڕاڕاتیان به‌ سه‌رۆکایه‌تی جێنێرال ئیحسان نووری پاشا ، به‌ نزیکه‌ی 100 فرۆکه‌ی جه‌نگی بۆمباران کرد ، کۆماری کوردی ئاڕاڕاتیان رووخاند و هه‌زاران کوردیان کوشت ، به‌ندیان کردن یا دورریان خستنه‌وه‌ . ئه‌وا ئێستاش پاش نزیکه‌ی 80 ساڵی ره‌به‌ق ، ئه‌و کرده‌وه‌ پیسه‌ دووپاته‌ ده‌که‌نه‌وه‌ ‌ و له‌ باتی چیای ئاڕاڕات ، کێوی قه‌ندیل بۆمباران ده‌که‌ن و له‌ باتی ده‌ڤه‌ری ئاگری ، هه‌رێمی کوردستان و له‌ باتی ئیحسان نووری پاشا ، سه‌رۆک ئاپۆیان دزیوه‌ . خه‌ڵیفه‌ ئه‌ردۆغان ، پێی وایه‌ وڵاتی کوردستان ماره‌یی دایکی ، سوڵتان ئه‌ولحه‌میدی عوسمانیه‌ ‌ .

ئه‌ز ، وه‌ک دلۆپێکی چکۆله‌ له‌ زه‌ریای مه‌زنی مرۆڤایه‌تی و گه‌لی ئاشتی خوازی کورد ، له‌ گه‌ڵ شه‌رمه‌زار کردنی ئه‌م شه‌ره‌مه‌زارانه‌ی مێژو ، تکا له‌ ته‌واوی ئازادی خوازانی جیهان ، رێکخراوه‌ی نه‌ته‌وه‌ یه‌ک گرتوه‌کان ، یه‌کیه‌تی ئوڕووپا ( به‌ تایبه‌ت بێڕنارد کووشنێر) ، ده‌سته‌ڵاتی ئامریکا ، سه‌رۆکان و ته‌واوی گه‌لی کورد ده‌که‌م ، که‌ به‌ قه‌ڵه‌م ، قه‌ده‌م یا دره‌م و یا هه‌ر له‌ونێک بۆیان ده‌گونجێ ، دژی ئه‌م کرده‌وه‌ ناشیاوه‌ بوێستن و به‌ر به‌م هێرشه‌ چه‌نگیزیه‌ بگرن .

دڵنیام ئامانجی تورکیا تاواندنه‌وه‌ و پاکتاو کردنی ره‌گه‌زی نه‌ته‌وه‌ی کورده‌ ، ده‌یه‌وێ ته‌واوی گه‌لی کورد ، به‌ تایبه‌ت کوردی تورکیا و هه‌رێمی کوردستان بفه‌وتێنێ ‌ . ده‌نا کامه‌ تێڕۆریست ؟ . ئه‌گه‌ر له‌ شوێن تێڕۆریست ده‌گه‌ڕێ بچێ ، به‌غدا و کابول و ده‌وروبه‌ریان بۆمباران بکا، که‌ کونه‌ تێڕۆڕیستن . سه‌یره‌ ! تێڕۆڕیست ناوی ئاشتی خواز ده‌نێ تێڕڕۆڕیست !!!! . ده‌یه‌وێ دروست وه‌ک ئه‌رمه‌نیه‌کان کوردیش قه‌لاچۆ بکا .

ئه‌مڕۆ بۆ گه‌لی کورد سه‌ری دو رێیانه‌ی‌ مان و نه‌مانه‌ ‌ ‌ ، ئیدی وشه‌ی خودا چاکی ده‌کا ، به‌ من چی ، به‌ جه‌ححه‌نه‌م و ته‌وه‌زه‌لی به‌ مانای خۆ کوشتنی نزیکه‌ی 50 میلیۆن نه‌فه‌ر کورده‌‌ ‌ ‌ . هێج ئارخایه‌ن مه‌بن ، شه‌وێکیش کاتژمێری 2 ی دوای نێوه‌ شه‌و ، هێرش بۆ هه‌ولێر ، که‌رکووک و سولێمانیش نه‌هێنن و زۆر که‌سانی دیکه‌ش به‌ ناوی تێڕوڕیست نه‌به‌ن بۆ ئیمرالی!!! .

پێویستیشه‌ وه‌بیری بخه‌مه‌وه‌ ، کورد له‌ درێژایی مێژو دا ، له‌ کانی دڵه‌وه‌ ئاواتی خواستوه‌ و ده‌یه‌وێ له‌گه‌ڵ ته‌واوی ده‌ر و جیران و خه‌ڵکی جیهان ، ژیانێکی ئه‌هوه‌ن ، هێمن و دۆستانه‌ی ببێ و رێز بۆ هه‌مووان داده‌نێ ، به‌ تایبه‌ت هاوسێ و جیرانه‌کان و تورکه‌کانیش؛ به‌ڵام مخابن، گه‌لۆ ! که‌ی ده‌ستێک به‌ ته‌نیا ته‌قه‌ی دێ ؟ .

تکایه‌ له‌م کاته‌ چاره‌نووس سازه‌ دا ، بێ لایه‌ن و به‌ ئارخایه‌ن دامه‌نیشن ، ده‌نا هه‌ر کۆیله‌ و ژێر ده‌ست ده‌مێنینه‌وه‌ . پێشنیار ده‌که‌م له‌ گه‌ڵ خۆپیشاندانی هێمنانه‌ی ته‌واوی جه‌ماوه‌ر ، ته‌واوی مێدیا کان له‌ به‌رنامه‌کانیان دا ، ماموه‌ستایانی ئایینی له‌ وتاره‌کانی نێو ‌ مزگه‌وته‌ کان دا ، ته‌واوی ماموه‌وستایانی قوتابخانه‌ له‌ وانه‌ی فێرگه‌کان دا، ته‌واوی ماموه‌ستایانی زانستگه‌ و هه‌مو ئازادی خوازێک ، ئه‌م کاره‌ساته‌ بۆ گوێگران و بینه‌رانی خۆیان بگێڕنه‌وه‌ ، له‌ قوی بده‌ن و شه‌رمه‌زاری بکه‌ن و چه‌شنه‌ غه‌زا ( هه‌ره‌وه‌زیه‌کی واتایی) هێدی، هێمن و دێمۆكڕتاتیک پێک بهێنن . کوا که‌سێک داوای مافی ره‌وای خۆی بکا تێڕۆڕیسته‌ و ده‌بێ بکوژرێ ؟؟؟ له‌ روانگه‌ی گورگیشه‌وه‌ ، ‌به‌رخ تێڕڕۆڕیسته‌ !!! .

بگه‌رێوه