ماوه‌یه‌کی زۆره به‌داخه‌وه له سه‌ر سایته‌کانی ئه‌نترنێت
زۆر بێ حورمه‌تی به یه‌کتر وبه تایبه‌ت به که‌سایه‌تیه‌کان
ده‌که‌رێ،به تایبه‌ت دوای له‌ت بوونی حیزبه‌کان که زۆر
جێگای داخه،هیوادارم قه‌ڵه‌م به ده‌ستان بایخی قه‌ڵه‌م
بزانن. فایه‌ق به‌ریاجی

قه‌ڵه‌م
(قه‌ڵم مه‌رحه‌با عاجز مه‌به لێم
چاکه و خراپه‌ت هه‌موو پێده ڵێم
کاری ئه‌وڵت خزمه‌ت بوو بۆ گه‌ل
له ده‌ست خزمه‌تی ئێستات چۆن هه‌ڵێم)
قه‌ڵه‌م
عاجز مه‌به هه‌رچی ده‌یڵێم
دڵم پڕه له ئه‌سرارت
له بێ ده‌نگیت
بۆ نایه ده‌نگی هاوارت
زۆر له مێژه
هه ر ئه‌وکاته‌ی مرۆڤ ده‌ستی دایه قه‌ڵه‌م
په‌یتا په‌یتا
بێ راوه‌ستان
تۆ نووسیوته کتێب و داستان
ته‌ورات،ئینجیل و قورئان
سه‌دان کتێبی ته‌نک و ئه‌ستوور
مێژوو،شێعر،چیرۆک
به بێ سنور

چه‌ند به هێزی
چه‌ند پیرۆزی
قه‌ڵه‌م
گشت یاساکانی سه‌ر زه‌وی ،
سه‌دان په‌یمان
به هه‌موو زمان
ته‌نانه‌ت
جارنامه‌ی نه‌ته‌وه‌یه‌کگرتوه‌کان
هه‌موو

کاری تۆیه
هاورێی ئینسان
قه‌ڵه‌م
هاورێی مرۆڤ
گه‌ر تۆ نه‌بای،من دڵنیام
خۆشه‌ویستیش هێنده جوان نه‌ده‌بوو
تۆ بووی
شێعر ی ئه‌وین داریت نوسی
به هه‌ڵ به‌ستت
پاراوت کرد،باخچه‌ی ئه‌وین
تۆ بووی
جوانی ما نگت،تێکه ڵاوی جوانی شۆخ وشه نگ کرد
چه ند به توانای
هاورێی مرۆڤ

قه ڵه م
زۆر ڵه مێژ نییه
باش به بیرمه
<ماموستای گه وره م>
چۆن،
تۆی کرده چه کی دژ به براکوژی
چه ند به توانا
برکوژانی رسوا کردن
نازانم بۆچ نه مردن
چه ند به توانای هاورێی مرۆڤ
ئه دی ئه وڕۆ
بۆ بێ ده نگی
ئه و ڕۆش ‌شه ڕه
دڵنیا به زؤر خه ته ره
شه ڕی ئه مرۆ،نه خه نجه ره،نه زنجیره
شه ڕی ئه مرۆ
شه ڕی چه ک و گوله وتۆپ نییه
فرۆکه بۆردوومانمان ناکه ن
به شیمیاییش قڕمان ناکه ن
ئه مڕۆ
دوژمن به رامبه رم نییه
به زمانێکی تریش قسه ناکا
به رامبه رم
هاوڕێمه،هاوسه نگه رمه،هاوزمانمه،
برامه
چه کیان تۆی
به ڵێ به تۆ شه ڕ ده که ن
خوێن نارێژن،که س ناکوژن
به ڵام،
جه رگ ده بڕن
هه ست ده مرێنن
که سایه تی بێ که س ده که ن
سه د مه خابن
ئه و بێ حورمه تییه،به تۆی ده که ن
من شه رم ده که م
ئه ی تۆ قه ڵه م
ده پێم بڵێ تۆ چی ده که ی...

فایه ق به ریاجی
18.03.2008 تورکو
تێبینی:
1.چوار دێری ئه وه ڵی شێعره که ئی ماموستا سه ید عه لی سه رده شتی یه
2.ماموستای گه ورم مه به ست له ماموستا عه بدوڵڵه په شێوه