به‌ ناوی کوردستانی گه‌وره‌ .

ح. س. سۆران

تاران - 15/3/2708

چه‌ند وشه‌ی لاوه‌کی و ناڕه‌سه‌ن ،

لێره‌ دا مه‌به‌ستم له‌ وشه‌ی لاوه‌کی و ناره‌سه‌ن ئه‌و وشانه‌یه‌ ، که‌ کوردی نین یا به‌ هه‌ڵه‌ به‌کار ده‌برێن و پێویسته‌ له‌ بێستانی زه‌نوێری زمانی کوردی دا به‌ وردی به‌ بژارچنێکی تیژ ، بژاریان بکه‌ین . دیاره‌ ئه‌مه‌ ‌ مانای ئه‌وه‌ نیه‌، که‌ زمانی خه‌ڵکمان پێ خراپه‌ یا قینمان لێیه‌تی قه‌ت وانیه‌ .کورد رێز بۆ گشت زمانێک داده‌نێ . به‌ڵکه‌ ئامانج ئه‌وه‌یه‌ ، که‌ وتویانه‌ عێسا به‌ دینی خۆی و مووسا به‌ دینی خۆی :

1- دۆسیه‌ - وشه‌یه‌کی فه‌ڕه‌نگیه‌ به‌ مانای په‌ڕوه‌نده‌ی کوردی که‌ چوه‌ته‌ زمانی فارسیه‌وه‌ . ئه‌و وشانه‌ که‌ پاشگری (وه‌ند) یان هه‌یه‌ ، کوردین ، وه‌ک کاکاوه‌ند . ئایا پێتان چونه‌ له‌ باتی ئه‌و وشه‌ فه‌ڕه‌نگیه‌ ، وشه‌ی ( په‌ڕدان یا په‌ڕلان) ، یانی جێگه‌ی په‌ڕه‌ کاغه‌ز به‌ کار به‌رین؟ . وه‌ک قه‌ندان ، خوێدان سه‌رلان و... .

2- پلان - وشه‌یه‌کی فه‌ڕه‌نگیه‌ به‌مانای به‌رنامه‌ ، به‌ر‌نامه‌ وشه‌یه‌کی کوردیه‌ که‌ چوه‌ته‌ فارسیه‌وه‌. هه‌ر به‌رنامه‌ به‌ کار به‌رین باشتر نیه‌ ؟

3- پیلان - وشه‌یه‌کی کوردیه‌ ، که‌ زۆر که‌س له‌ گه‌ڵ پلان تێکه‌ڵی ده‌که‌ن . ئه‌م وشه‌یه‌ به‌ مانا‌ی ده‌سیسه‌ی عاره‌بیه‌ ‌ ؟

4- ها - پاشگرێکی فارسیه‌ و دروشمی کۆ ( جه‌معه‌) ، وه‌ک سینه‌ماها ، فیلمها و ... ، ئایا باشتر نیه‌ وشه‌ی پاشگری کۆی ( گه‌ل) ،(کان ) ( ان) و ئه‌وانه‌ به‌ کار به‌رین ، که‌ کوردین ؟ وه‌ک سینه‌ماگه‌ل ، فیلمگه‌ل و ...

5- ئاینده‌ - وشه‌یه‌کی فارسیه‌ ، ئایا باشتر نیه‌ وشه‌ی ( داهاتو) به‌که‌ر به‌رین ؟.

6- زیندان - زه‌ندان !!!= وشه‌یه‌کی فارسیه‌ ، ئایا باشتر نیه‌ وشه‌ی گرتووخانه‌ به‌کار به‌رین ؟.

7- ناو - به‌ مانای ( ئیسمی) عاره‌بی و نێو به‌ مانای ( داخیل) ه‌ ، ئایا باشتر نیه‌ ئه‌م دو وشه‌یه‌ له‌ یه‌ک جوێ بکه‌ینه‌وه‌ ؟ . که‌ وابێ وشه‌ی ( نێوه‌ند ) دروسته‌ ، نه‌ک ( ناوه‌ند ) ، که‌ ده‌بێته‌ ( سێنتر)ی فه‌ڕه‌نگی . کامه‌ سه‌نته‌ر!!!

8- خان - پێشگری پیاو بوه‌ ، وه‌ک چه‌نگیز خان ، هه‌لاکۆ خان ، سوڵتان عه‌بدولحه‌مید خانی عوسمانی ، ئه‌مانوڵڵا خانی ئه‌رده‌ڵان ، هه‌ڵۆ خانی ئه‌رده‌ڵان ، حه‌مه‌ حوسه‌ین خانی سه یفی قازی ، حه‌مه‌ ره‌شید خانی وێنه‌ و دارۆغان ، سه‌تتار خانی ته‌ورێزی، میرزا ته‌قی خانی ئه‌می که‌بیر ، شه‌ره‌ف خانی بتلیسی ، د. که‌مه‌ڕان به‌درخان . ئایا وشه‌ی خانم ، خانمانه‌ تر نیه‌ ؟. وه‌ک مه‌ستووره‌ خانم ئه‌درڵان یا‌ ماشه‌ره‌ف خانم کوردستانی یا عادله‌ خانمی جاف ؟ . ئایا کوا ده‌کرێ تاریفی خاتوونێک بکه‌ین و بۆ وێنه‌ بلێین شیرینی وه‌فایی هۆنه‌ر ، زۆر خانێکی نه‌شمیل بوه‌ !!! ره‌نگه‌ خانم‌ و خاتوونه‌ رێزداره‌ کورده‌کانیش که‌ نزیکه‌ی 25 میلیۆنن ، زۆر تر پێیان خۆش بێ پاشگری ( پاشکۆی ) خانم ، خاتوون ، یای و ئه‌و وشه‌ جوانانه‌یان ببێ ، که‌ هه‌ر له‌ زوه‌وه‌ له‌ نێو کورد دا باو بوون ؟ . دیاره‌ ئه‌وه‌ ده‌بێ به‌ بڕیاری ئه‌و رێزدارانه‌ بێ . نه‌ک به‌ پێی بیر و ڕای داسه‌پاوی پیاوان .

9- ئابشار - ئایا باشتر نیه‌ له‌ جێگه‌ی وشه‌ی (تاڤگه‌) ، (ئابشار ) ،( ئاوهه‌ڵدێر) و ... وشه‌ی (رێژاو ) ، به‌کار به‌رین وه‌ک رێژاوی داڵاهو ، له‌ پارێزگه‌ی کرماشان؟ .

10- تێڕۆڕیست -ئایا باشتر نیه‌ له‌ باتی وشه‌ی تێڕۆڕیست ، که‌ فه‌ره‌نگیه‌ و به‌ مانای ترسێنه‌ر و شته‌ ، وشه‌ی توقێنه‌ر یا ترسێنه‌ر به‌کار به‌رین ؟ .

11- یه‌کێک له‌وانه‌ش مانگه‌ کوردیه‌کانن ، که‌ له‌ زۆر ناوچه‌ی کوردستانی گه‌وره‌ به‌ کاریان نابه‌ن – ئایا پێتان ونیه‌ ئه‌مه‌ کارێکی زۆر ناباشه‌ ؟؟؟ !!!

بۆیه‌ ئه‌م خاڵانه‌م به‌ چه‌شنی پرسیار نووسیوه‌ ، که‌ من وه‌ک تاقه‌ که‌سێک مافی ئه‌وه‌م نیه‌ بڕیاریان له‌ سه‌ر بده‌م ، ته‌نیا وه‌ک پێشنیار باسم کردوون .

بگه‌رێوه