بۆ حیزبی دێموکراتی کوردستان له‌ لایه‌ک و بۆ هه‌موو ئه‌وانه‌ی که‌ دڵیان بۆ رزگاری و سه‌ربه‌ستی گه‌له‌که‌مان لێده‌دا.
کاک مه‌لاخدر به‌شێکی زۆر له‌ ته‌مه‌نی خۆی سه‌رفی وه‌دیهێنانی ئاوات و ئامانجه‌کانی گه‌لی کورد کردبوو، ئه‌و رێگای گه‌رمێن و کوێستانی گرته‌به‌ر، زۆری تاڵی و سوێری چێشت ته‌نیا بۆ ئه‌وه‌ی نه‌ته‌وه‌که‌ی سه‌ربه‌ستی له‌ باوه‌ش بگرێ‌. ناوبراو شۆرشگێرێکی راسته‌قینه‌، ئه‌ویندارێکی به‌ ئه‌مه‌گی رێگای کوردایه‌تی بوو که‌ زۆر زوو توانیبووی جێگای خۆی له‌ ناو دڵی هاوسه‌نگه‌رانی و خه‌ڵکی کوردستان‌دا بکاته‌وه‌.
کاک مه‌لا خدر ئینسانێکی زۆر به‌‌وره ‌بوو، سه‌ره‌رای ئه‌و نه‌خۆشی‌یه‌ قورس و ترسناکه‌ی که‌ له‌و دوایی‌یانه‌دا بۆی هاتبۆ پێش، نائومێدی له‌ وجودیدا به‌دی نه‌ده‌کرا.
 سه‌رئه‌نجام مه‌رگ ده‌ره‌تانی پێ نه‌دا که‌ له‌وه‌ زیاتر خزمه‌ت به‌ گه‌ل و نیشتمانه‌که‌ی بکاو له‌ کاتژمێر 12.30 نیوه‌ شه‌و، رێکه‌وتی 5/6/2008 دا به‌ یه‌کجاری چاوه‌ جوانه‌کانی له‌سه‌ر یه‌ک داناو، له‌ حیزبی دێموکراتی کوردستان و بنه‌ماڵه‌ به‌رێزه‌که‌ی ماڵ ئاوایی یه‌کجاری کرد.
ئێمه‌ش وه‌ک کۆمیته‌ی گشتی حیزبی دێموکراتی کوردستان له‌ وڵاتی سوئێد و، به‌ نوێنه‌رایه‌تی له‌ لایه‌ن ئه‌ندامان و لایه‌نگران و دۆستانی حیزب له‌م وڵاته‌، وێرای به‌ داخ بوون بۆ ئه‌و کۆسته‌ ناوه‌خته،‌ پرسه‌و سه‌ره‌خۆشی خۆمان به‌ حیزبه‌که‌مان و بنه‌ماڵه‌ی به‌رێزی کاک مه‌لا خدر دۆڵه‌ گه‌رمی راده‌گه‌یه‌نین و خۆمان به‌ شه‌ریکی خه‌م و په‌ژاره‌یان ده‌زانین.
حیزبی دێموکراتی کوردستان
کۆمیته‌ی سوئێد
6/6/2008