پرسه‌ی هونه‌رمه‌ند سمایل سه‌ردشتی‌ له‌ شاره‌كانی‌ كۆیه‌، رانیه‌و كه‌مپه‌كانی‌ حدک به‌ڕێوه‌چوو

كوردستان وكورد: روَژی‌ 13ی‌ گه‌لاوێژ له‌ ته‌كیه‌ی‌ تاڵه‌بانی‌ شاری‌ كوَیه‌ له‌باشووری‌ كوردستان به‌ئاماده‌بوونی‌ ژماره‌یه‌ك له‌ئه‌ندامانی‌ رێبه‌ری‌، ژماره‌یه‌كی‌ به‌رچاو له‌ تێكوَشه‌رانی‌ حیزبی‌ دێموكراتی‌ كوردستان،
هه‌زاران كه‌س له‌ خه‌ڵكی‌ نیشتمانپه‌ر و حیزبدوَستی‌ شاری‌ كوَیه‌ رێوڕه‌سمی‌ پرسه‌ و سه‌ره‌خوَشی كاك سمایلی‌ هونه‌رمه‌ند به‌ڕێوه‌چوو و به‌شداران  هاوده‌ردی‌ و هاوخه‌می خوَیان به‌ حیزبی‌ دێموكراتی‌ كوردستان و كه‌سوكاری‌ ئه‌و هونه‌رمه‌نده‌ نه‌مره‌ راگه‌یاند.
 رێوڕه‌سمی‌ پرسه‌وسه‌ره‌خوَشی‌ هونه‌رمه‌ند سمایل سه‌رده‌شتی‌ له‌ شاری‌ رانیه‌ش له‌ باشووری‌ كوردستان  به‌ڕێوه‌ چوو . به‌ هه‌زاران كه‌س له‌خه‌ڵكی‌ به‌ئه‌مه‌گ و هونه‌ردوَستی‌ پشده‌ر و بێتوێن و دوَستانی‌ حیزبی‌ دێموكراتی‌ كوردستان ده‌سته‌دسته‌ و پوَل پوَل روویان كرده‌ پرسه‌و سه‌ره‌خوَشی‌ و غه‌م و په‌ژاره‌ی‌ خوَیان بوَ له‌ده‌سچوونی‌ ئه‌و هونه‌رمه‌نده‌ گه‌لدوَست و نیشتمانپه‌روه‌ره‌ ده‌ربڕی‌.
 هه‌روه‌ها له‌ زه‌ویه‌ سپی‌ كه‌ كه‌مپێكه‌ سه‌ربه‌حیزبی‌ دێموكراتی‌ كوردستان، ژماره‌یه‌كی‌ زوَر له‌ژنانی‌ دڵسوَزو و تێكوَشه‌ری‌ دێموكرات به‌دانانی‌ پرسه‌وسه‌ره‌خوَشی‌ هاوده‌ردی‌ و هاوسوَزی‌ خوَیان به‌ هاوسه‌ر و بنه‌ماڵه‌ی‌ ماڵی‌ سمایلی‌ جوانه‌ مه‌رگ ده‌ربڕی‌  و غه‌م و په‌ژاره‌ی‌ خوَیان بوَ كاره‌ساته‌ نیشان دا .