كۆچی دوایی كوبرا ئەڵڵاوەیسی ئەندامی بەڕێوەبەری یەكیەتی ژنان لە دەرەوەی وڵات

كوردستان و كوردنیوز: خاتوو كوبرا ئەڵڵاوەیسی ئەندامی دڵسۆزی حیزبی دێموكراتی كوردستان و ئەندامی كومیتەی بەڕێوەبەری یەكیەتی ژنانی دێموكراتی كوردستانی ئێران

له دەرەوەی وڵات دوانیوەڕۆی دوێنێ سێشەممە 28/10/2008 بە هۆی نەخۆشی شێرپەنجە لە یەكێك لە نەخۆشخانەكانی ئۆسلۆ لە تەمەنی 62 ساڵی دا كۆچی دوایی كرد.
خاتوو كوبرا ئەڵڵاوەیسی (گادانی) هاوسەری خوالێخۆشبوو كاك خەلیلی گادانی و خوشكی كەریم ئەڵڵاوەیسی كادری تێكۆشەری حیزبی دێموكراتی كوردستان بوو. بەم بۆنەیەوە كومیتەی حیزبی دێموكراتی كوردستان و كومیتەی یەكیەتی ژنانی دێموكراتی كوردستان لە نۆروێژ بە بڵاو كردنەوەی راگەیەندراوێك سەرەخۆشیان لە بنەماڵەكانی ئەڵڵاوەیسی و گادانی كردووە و هەروەها رایانگەیاندووە كە لە داهاتوویوكی نزیك دا كات و شوێنی بە خاك سپاردن و رێوڕەسمی پرسە و سەرەخۆشی هاوڕێی كۆچكردوو بە ئاگاداری هەموو لایەك دەگەیەنن.

ئێمه‌ش وه‌ک به‌رێوه‌به‌رانی سایتی سه‌رده‌شت پڕ به‌ دڵ سه‌ره‌خۆشی خۆمان هاوده‌ردی خۆمان ئاراسته‌ی خوشکه‌ کوبرا ئه‌ڵڵاوه‌یسی ده‌که‌ین و خۆمان به‌شه‌ریکی غه‌می هه‌موو ئه‌ڵڵاوه‌یسیه‌کان و گادانیه‌کان ده‌زانین.  هیوادارین روحتی به‌به‌هه‌شتی به‌رین شادبێت .

روحی شادبێت به‌رێوه‌به‌رانی سایتی سه‌رده‌شت