به داخ و پهژارهیهکی زۆرهوه ئاگادار کراین که ڕێکهوتی 22 ـ 12 ـ 2008 خاتوو فاتمه خزری دایکی شههیدان کاک محهممهد و کاک خدر خزری و ههروهها دایکی بهرێز کاک برایم خزری به هۆی نهخۆشی له یهکێک له نهخۆشخانهکانی شاری مههاباد له تهمهنی 78 ساڵی دا کۆچی دوایی کرد و ئاوات و ئارهزووهکانی که ئازادی و سهربهستی کوردستان بوو لهگهڵ خۆی برده ژێر گڵ.
خاتوو
فاتمهی ژنێکی ڕووخۆش و دڵ پر له ههست
و نیشتمانپهروهر بوو، ئهو مرۆڤێکی
خۆشناو و دڵسۆز و به مانای وشه کورد
بوو، دایه فاتمه ژنێکی گورجوگۆڵ و
ناودار و به مشوور بوو و خۆشهویستی خهڵکی
سهردهشت و ناوچهی سوێسنایهتی بوو.
خاتوو
فاتمه به ههست کردن به ژێردهستی
و بێ مافی نهتهوهی کورد، ههوڵی
دا که ئهندامانی بنهماڵهکهی
فێری گهل دۆستی و شۆڕشگێری بکات. ئهو
ههر له ماڵی خۆێ را بۆ ئازادی
کوردستان دهستی پێکرد و کوڕهکانی
فێری خهبات کردن به دژی داگیرکهرانی
کوردستان کرد و له ههمان کاتیشدا گهلێک
کهسی دیکهشی هان دان که ڕێگه و
ڕێبازی حیزبی دێموکراتی کوردستان و شۆڕش
بگرنه بهر. ههر له ژێر ئهو
ڕێنوێنی و تیشکی قسهکانی ئهو ژنه
تێکۆشهره دا بوو که 3 کهس له کوڕهکانی
به ناوهکانی محهممهدو خدر و برایم
خزری به دوای فتوای جیهادی خومهینی دا
بۆ سهر کوردستان، دهبنه پێشمهرگهی
حیزبی دێموکراتی کوردستان و بۆ بهرگری
له زێد و خاکی خۆیان که کوردستانه،
به سهخاوهته گیانی خۆیان له سهر
دهست دادهنێن.
ئهو له پێناو ئازادی کوردستان دا جگهرگۆشهکانی خۆی فیدای گهل و نیشتمان کردن و ئهوهش بوو به هۆی ئهوه که زیاتر له پێشوو یارمهتیدهری تێکۆشهرانی دێموکرات بێ و هانی خهڵک بدات که چیدی له ئاست جاش و بهسیجییهکان دا بێدهنگ نهبن و ڕۆڵهکانیان فێری وانهی نیشتمانپهروهری بکهن.
دایه فاتمه به هۆی ئهوه کوڕهکانی پێشمهرگهی حیزبی دێموکراتی کوردستانن و شههیدی گهلی کوردن، زۆرجار له لایهن کاسهلێسان و بهکرێگیراوانهوه بێ حورمهتی پێکراوه و ئازار و ئهشکهنجه کراوه، ههروهها 2 کهس له نهوهکانی به ناوهکانی جهمیله مروهتی کچی یهکێک له کچهکانی و ڕهحمان خزری کوڕی شههید محهممهد به هۆی دهسترێژی جاش و پاسدارهکان گیانیان لێدهستێندرێ و ئهوهش خهمێکی دیکه دهبێت بۆ دایه فاتمهی خزری، بهڵام دایه فاتمه قهت بۆ جارێکیش وازی له کارو تێکۆشان نههێناوه و به دڵ پشتیوانی له ئازادیخوازان و پێشمهرگهکانی کوردستان دهکرد و تا کاتی ماڵئاوایی یهکجارهکی ههروا خۆڕاگر و به ئیمان و وهفادار مایهوه، دایه فاتمه چهند مانگ بهر له ئێستا بۆ دیتنی برایمی جگهرگۆشهی سهردانی سوئێدی کرد و بۆ دوایین جار قهڵافهتی مێرانهی کوڕهکهی له ئامێز گرت و خۆی گوتهنی تامهزرۆی دیداری ههموو ئازیزانی له دهستچووی بهم دیداره شکاند.
به کۆچی دوایی خاتوو فاتمه، ناوچهی سهردهشت و به تایبهت گوندی بنێوخهڵێف و بنهماڵهکهیان کهسێکی تێکۆشهر و بهرێزیان له دهست دا، هیوادارین که دایکانی کورد وهک دایه فاتمه، ئهندامانی بنهماڵهکهی فێری خۆراگری و فیداکاری و کوردایهتی بکهن.
بهم بۆنهوه ئێمه وێڕای دهربڕینی ئهو پهڕی خهم و پهژارهمان سهبارهت به کۆچی دوایی ئهو ئازیزه، له لایهن کومیتهی سویدی حیزبی دێموکراتی کوردستان و گشت هاوڕێیانی حیزبیمان له وڵاتی سوید، پرسهو سهرهخۆشی خۆمان پێشکهشی هاوڕێی ماندوو نهناس کاک برایم خزری و بنهماڵهی بهڕیزی و گشت خزم و ئاشنایان له ناوخۆ و دهرهوهی کوردستان و ههموو خهڵکی شاری سهردهشت و بنێوخهڵێف دهکهین و خۆمان لهو کۆسته گهورهیه دا به شهریک و بهشدار دهزانین و سهبووری و سهرفرازی بۆ بنهماڵهی تێکۆشهری خزری له شاری سهردهشت و بنێوخهڵێف و دهرهوه ئاواتمانه.